ಮೂಡಣ ಸೂರ್ಯ

ಮೂಡುವ ಸೂರ್ಯನಿಗೆ ಜಗತ್ತನ್ನು ನೋಡುವ ತವಕ,
ತನ್ನ ನೋಡಲು ಕಾಯುವವರಿಗೆ ಮಾಡುವನು ಕಿರಣಗಳ ಎರಕ,
ಇವನೆಂದರೆ ಸಾಕು, ಎಲ್ಲರೂ ಸುರಿಸುವರು ಪ್ರೇಮದ ಪುಳಕ,
ಅವನು ಮುನಿದರೆ,ಹರಿಯುವುದು ಜಗದ್ ತುಂಬಾ ಶಾಖ ಶಾಖ,
ನಡುಗುವ ಚಳಿಯಲಿ,ಮಾಡುವುದು ಜಗ ಇವನ ಜಪ ತಪ,
ಮೋಡಗಳ ಮರೆಯಲ್ಲಿನ ಕಣ್ಣ ಮುಚ್ಚಾಲೆ ಅವನದು,
ಬೇಸಿಗೆಯಲ್ಲಿ ನಿಂದಿಸುವರ,ಪ್ರೀತಿಸುವರ ಪಕ್ಷಪಾತವಿಲ್ಲದ ಪ್ರೀತಿ ಅವನದು,
ಕಾಡುವುದು ಅವನ ನೆನಪು,ಅವನಿಲ್ಲದ ಹೊತ್ತು.
ಪ್ರತಿ ದಿನವೂ ಬರುವನು,ಹೋಗುವನು ಉಲ್ಲಾಸದಿಂದ,
ಜಗವೆಲ್ಲ ನಮಿಸುವುದು,ಬೀಳ್ಕೊಡುವುದು ಉತ್ಸಾಹದಿಂದ...!!!!!

ಮುನ್ನವೇ...!

ಹತ್ತಿರವಾದೆ ನೀ ಪರಿಚಯದ ಮುನ್ನವೇ,
ಸೇರಿಹೋದೆ ನೀ ನನ್ನಲಿ ನಾ ನೋಡುವ ಮುನ್ನವೇ,
ಕರಗಿ ಹೋದೆ, ನಿನ್ನ ಪ್ರೀತಿಗೆ... ನೀ ನೀಡುವ ಮುನ್ನವೇ,
ಬೇಗ ಬಂದು ಸೇರು ನೀ ನನ್ನನು,ನಾ ಕಳೆದುಹೋಗುವ ಮುನ್ನವೇ...!!
-ನಿನ್ನವ

ದಿನ ದಿನ...!!!!

ಕಚಗುಳಿ ಇಡೋ ನಿನ್ನ ಮುಗುಳ್ನಗೆ,
ನಾಚಿಸೋ ನಿನ್ನ ಕಣ್ಣ್ ಸನ್ನೆ,
ಕೆರಳಿಸೋ ನಿನ್ನ ಮೌನ,
ಮುದ ತರೋ ನಿನ್ನ ಅಂತರಾಳದ ಮಾತು,
ನಿನ್ನೊಲವಿಗೆ ಸೋತು ನಿನ್ನ ಸೇರೋ ಆ ಕ್ಷಣ
ಬಣ್ಣಿಸಲಾಗದೆ ಚಡಪಡಿಸೋ ಈ ಮನ
ಕೊನೆಗೂ... ನಿನ್ನ ಸಮ್ಮತಿಯೊಂದಿಗೆ ನಡೆಯುವ ಸಮ್ಮೋಹನ
ಸರಸ ವೀರಸಗಳಲಿ ಸಾಗಿದೆ ದಿನ ದಿನ...!!!!
-ನಿನ್ನವ

ಮತ್ತೆ ಮತ್ತೆ ಮರುಕಳಿಸುವ ನಿನ್ನ ನೆನಪುಗಳು
ಮನಸಲ್ಲಿ ಅವುಗಳು ಏಳಿಸುವ ಅಲೆಗಳು
ಆ ಅಲೆಗಳು ಕಣ್ಣೊಳಗಿಂದ ಹೊರಚೆಲ್ಲೋ ಕಣ್ಣೀರ ಹನಿಗಳು
ಎಷ್ಟು ಹೇಳಿದರೂ...ಮಾತು ಕೇಳದೇ,ಮತ್ತೆ ಮತ್ತೆ ನಿನ್ನ ನೆನಪಿಸಿಕೊಳ್ಳೋ ಮನಸಾ ತುಮುಲಗಳು
ಲೋಕದ ಜಂಜಾಟದಲ್ಲಿ,ಮುಳುಗಿ ಸುಸ್ತಾಗಿ ಬಿದ್ದಾಗ,
ನನ್ನ ಹೆಗಲ ನೇವರಿಸುತ,ಲಾಲಿ ಹಾಡುವ ನಿನ್ನ ಸವಿ ರಾಗಗಳು..!
ಕನಸಲ್ಲಿ ಬೆಚ್ಚಿಬಿದ್ದು,ಬಿಕ್ಕಳಿಸುತ ನೀರಿಗಾಗಿ ತಡಕಡುವಾಗ...ಸಿಕ್ಕ ನೀರಿನ ಗುಟುಕಗಳು.
ಇವುಗಳೆಲ್ಲ ಬೇಕು...ನಿನ್ನೂಂದಿಗೆ..!!!!!!
-ನಿನ್ನವ

ನನ್ನುಸಿರು.....

ನನ್ನ ಎದೆ ಮೇಲಿದೆ

ನಿನ್ನ ಪುಟ್ಟ ಪುಟ್ಟ ಹೆಜ್ಜೆ ಗುರುತು....

ಬೇರೆ ಏನಿದೆ ಹೇಳು .??ನಿನ್ನ ಹೊರತು .???

ಅದರಲ್ಲೇ ನಾನು ಮುಳುಗಿರುವೆ ಪ್ರತಿ ಕ್ಷಣ ....

ನಿನ್ನ ಗೆಜ್ಜೆ ನಾದಕೆ ನಾ ಮನಸೋತಿರುವೆ.....

ನೀನಿಲ್ಲದೆ ಏನಿದೆ ಇಲ್ಲಿ .?????
ನೀ ನನ್ನ ಒಳ ಸೇರಿದಾಗಿನಿಂದ ನನ್ನಲಿ ನಾ ಇಲ್ಲವಾದೆ ...

ಅಮೃತಧಾರೆ

ನಿನ್ನೆದೆ ತುಂಬಾ,ನನ್ನ ಬಿಸಿಯುಸಿರು ನರ್ತನ ಮಾಡುತಿರೆ,
ಆ, ನರ್ತನಕೆ ನಿನ್ನೆದೆ ಸ್ಪಂದಿಸಿ,ಕಂಪಿಸುತಿರೆ,
ಹರಿದಿದೆ,ಮನಸ ಮುಗಿಲಲ್ಲಿ ಪ್ರೀತಿಯ ಧಾರೆ..
ಅದು ಬರೀ ಧಾರೆಯಲ್ಲ,ನಮ್ಮ ಒಲವಿನ ಅಮೃತಧಾರೆ