ಕರಗಿ ಹೋಗುವ ಮುನ್ನ, ಕಲೆತುಬಿಡು.
ಮುದುಡಿ ಹೋಗುವ ಮುನ್ನ,ಮೆರೆದುಬಿಡು.
ಮುಳುಗಿ ಹೋಗುವ ಮುನ್ನ,ನೆನೆದುಬಿಡು.
ಕಣ್ಣೇರು ಬತ್ತಿ ಹೋಗುವ ಮುನ್ನ,ಅತ್ತುಬಿಡು.
ಆಸಕ್ತಿ ಹೋಗುವ ಮುನ್ನ,ನನ್ನ ಬಿಟ್ಟುಬಿಡು.
ನನ್ನಿಂದ ನೀ ಹಾರಿ ಹೋಗುವ ಮುನ್ನ,ನಿನ್ನ ನೆನಪ ಆರಿಸಿಬಿಡು.
-ಬಳ್ಳಾರಿ ರಾಘವೇಂದ್ರ.

ಬಣ್ಣದ ಕನಸು

ಬಣ್ಣದ ಕನಸುಗಳಲ್ಲಿ ನಿನ್ನನು ಹುಡುಕುತಾ
ಕುಣಿದಿದೆ ಮನಸು ತಕದಿಮಿತಾ...
ಸಾರುತ ಹೊರಟಿದೆ ನಮ್ಮ ಪ್ರೇಮದ ತುಡಿತ
ಕಣ್ಣ ಕಟ್ಟಿ ಕಲಿಸುತಿದೆ....ಪ್ರೇಮದ ಕಾಗುಣಿತ
ಈ ಪ್ರೀತಿ ಶಾಶ್ವತ.?????
-ಬಳ್ಳಾರಿ ರಾಘವೇಂದ್ರ

ಆದ್ರೆ..... ನೀ ಜೊತೆಗಿಲ್ಲ ಇಂದು..!

ನಿನ್ನ ಮನಸ ಮೂಲೆಯಲ್ಲಿ ಇನ್ನೂ ನಾನು ಇರಬಹುದಾ.?
ಕಣ್ಣ ಒಳನೋಟದಲ್ಲೂ ಸಹ ಇನ್ನೂ ನಾನು ಇರಬಹುದಾ..?
ಆಗಾಗ ಬೀಳೊ ಕನಸಲ್ಲೂ ನಾನು ಇರಬಹುದಾ.?.
ಓರೆ ನೋಟ ಬೀರೋ ಕಣ್ಣಿಗೂ ಸಹ ನಾ,ಕಾಣಿಸಬಹುದಾ.?
ನಿನ್ನ ಅಂತರಾಳದ ಒಳಗೆ ಎಲ್ಲೋ ಒಂದು ಕಡೆ ನಾ ಇರಬಹುದಾ?
ಹೋಗ್ಲಿ...ಕೊನೆಗೆ, ನಿನ್ನ ಗುಂಡಿಗೆಯ ಮಿಡಿತಕ್ಕಾದರೂ..ನನ್ನ ನೆನಪು ಇರಬಹುದಾ.?
ಇವೆಲ್ಲಾ ಪ್ರಶ್ನೆಗಳಿಗೆ ನಿನ್ನುತ್ತರ ಇಲ್ಲ ಅನ್ನುವುದಾದರೆ.???ಹುಸಿ ನುಡಿಯಬೇಡ,ಗೆಳತಿ...!
ನಾವು ಒಟ್ಟಾಗಿ ಸುತ್ತಾಡಿ,ಪ್ರೀತಿಸಿದ್ದಕ್ಕೆ,ನಿಮ್ಮನೆ ಬೀದಿ ನಾಯಿ,ಮೇಲ್ಮನೆ ಪಾರ್ಕಿನ ಬೆಂಚು,
ಅಲ್ಲಿನ ಗಿಡ,ಮರ,ಅವುಗಳ ನೆರಳು.ಸುಯ್ಯನೆ ಬೀಸುತ್ತಿದ್ದ ತಂಗಾಳಿ,ಭೋರ್ಗರೆದು ಸುರಿಯುತ್ತಿದ್ದ ಮಳೆ,
ಪಾನಿ ಪೂರಿ ಹುಡ್ಗ.ಐಸ್ ಕ್ರೀಮ್ ಪಾರ್ಲರ್,ಇವರೆಲ್ಲರೂ ಸಾಕ್ಷಿ ಇದ್ದಾರೆ...!!!!
ಇವತ್ತು ಅವ್ರೆಲ್ಲರೂ ಇದ್ದಾರೆ...ಸುರಿಯುವ ಮಳೆಯೂ..ಬಂದಿದೆ..ಆದ್ರೆ ನೀ ಜೊತೆಗಿಲ್ಲ ಇಂದು..!!!
ನಿರೀಕ್ಷೆಯಲ್ಲಿ
ನಿನ್ನವನೆಂದಿಗೂ.!!!!

ಮೂಡಣ ಸೂರ್ಯ

ಮೂಡುವ ಸೂರ್ಯನಿಗೆ ಜಗತ್ತನ್ನು ನೋಡುವ ತವಕ,
ತನ್ನ ನೋಡಲು ಕಾಯುವವರಿಗೆ ಮಾಡುವನು ಕಿರಣಗಳ ಎರಕ,
ಇವನೆಂದರೆ ಸಾಕು, ಎಲ್ಲರೂ ಸುರಿಸುವರು ಪ್ರೇಮದ ಪುಳಕ,
ಅವನು ಮುನಿದರೆ,ಹರಿಯುವುದು ಜಗದ್ ತುಂಬಾ ಶಾಖ ಶಾಖ,
ನಡುಗುವ ಚಳಿಯಲಿ,ಮಾಡುವುದು ಜಗ ಇವನ ಜಪ ತಪ,
ಮೋಡಗಳ ಮರೆಯಲ್ಲಿನ ಕಣ್ಣ ಮುಚ್ಚಾಲೆ ಅವನದು,
ಬೇಸಿಗೆಯಲ್ಲಿ ನಿಂದಿಸುವರ,ಪ್ರೀತಿಸುವರ ಪಕ್ಷಪಾತವಿಲ್ಲದ ಪ್ರೀತಿ ಅವನದು,
ಕಾಡುವುದು ಅವನ ನೆನಪು,ಅವನಿಲ್ಲದ ಹೊತ್ತು.
ಪ್ರತಿ ದಿನವೂ ಬರುವನು,ಹೋಗುವನು ಉಲ್ಲಾಸದಿಂದ,
ಜಗವೆಲ್ಲ ನಮಿಸುವುದು,ಬೀಳ್ಕೊಡುವುದು ಉತ್ಸಾಹದಿಂದ...!!!!!

ಮುನ್ನವೇ...!

ಹತ್ತಿರವಾದೆ ನೀ ಪರಿಚಯದ ಮುನ್ನವೇ,
ಸೇರಿಹೋದೆ ನೀ ನನ್ನಲಿ ನಾ ನೋಡುವ ಮುನ್ನವೇ,
ಕರಗಿ ಹೋದೆ, ನಿನ್ನ ಪ್ರೀತಿಗೆ... ನೀ ನೀಡುವ ಮುನ್ನವೇ,
ಬೇಗ ಬಂದು ಸೇರು ನೀ ನನ್ನನು,ನಾ ಕಳೆದುಹೋಗುವ ಮುನ್ನವೇ...!!
-ನಿನ್ನವ

ದಿನ ದಿನ...!!!!

ಕಚಗುಳಿ ಇಡೋ ನಿನ್ನ ಮುಗುಳ್ನಗೆ,
ನಾಚಿಸೋ ನಿನ್ನ ಕಣ್ಣ್ ಸನ್ನೆ,
ಕೆರಳಿಸೋ ನಿನ್ನ ಮೌನ,
ಮುದ ತರೋ ನಿನ್ನ ಅಂತರಾಳದ ಮಾತು,
ನಿನ್ನೊಲವಿಗೆ ಸೋತು ನಿನ್ನ ಸೇರೋ ಆ ಕ್ಷಣ
ಬಣ್ಣಿಸಲಾಗದೆ ಚಡಪಡಿಸೋ ಈ ಮನ
ಕೊನೆಗೂ... ನಿನ್ನ ಸಮ್ಮತಿಯೊಂದಿಗೆ ನಡೆಯುವ ಸಮ್ಮೋಹನ
ಸರಸ ವೀರಸಗಳಲಿ ಸಾಗಿದೆ ದಿನ ದಿನ...!!!!
-ನಿನ್ನವ

ಮತ್ತೆ ಮತ್ತೆ ಮರುಕಳಿಸುವ ನಿನ್ನ ನೆನಪುಗಳು
ಮನಸಲ್ಲಿ ಅವುಗಳು ಏಳಿಸುವ ಅಲೆಗಳು
ಆ ಅಲೆಗಳು ಕಣ್ಣೊಳಗಿಂದ ಹೊರಚೆಲ್ಲೋ ಕಣ್ಣೀರ ಹನಿಗಳು
ಎಷ್ಟು ಹೇಳಿದರೂ...ಮಾತು ಕೇಳದೇ,ಮತ್ತೆ ಮತ್ತೆ ನಿನ್ನ ನೆನಪಿಸಿಕೊಳ್ಳೋ ಮನಸಾ ತುಮುಲಗಳು
ಲೋಕದ ಜಂಜಾಟದಲ್ಲಿ,ಮುಳುಗಿ ಸುಸ್ತಾಗಿ ಬಿದ್ದಾಗ,
ನನ್ನ ಹೆಗಲ ನೇವರಿಸುತ,ಲಾಲಿ ಹಾಡುವ ನಿನ್ನ ಸವಿ ರಾಗಗಳು..!
ಕನಸಲ್ಲಿ ಬೆಚ್ಚಿಬಿದ್ದು,ಬಿಕ್ಕಳಿಸುತ ನೀರಿಗಾಗಿ ತಡಕಡುವಾಗ...ಸಿಕ್ಕ ನೀರಿನ ಗುಟುಕಗಳು.
ಇವುಗಳೆಲ್ಲ ಬೇಕು...ನಿನ್ನೂಂದಿಗೆ..!!!!!!
-ನಿನ್ನವ