ನೀ ಒಳಗಿರಲು
ಬೀಸಿದೆ ಹೃದಯ ಮೈದಾನದಲಿ ತಂಗಾಳಿ,
ಮನಸಾ ಬೀದಿಲಿ ಹರಿದಿದೆ,ಹರುಷದ ಹೊನಲು.
ಕನಸಾ ಕೋಟೆಯಾ ತುಂಬಾ ಕನಸಿನ ಝುಳು ಝುಳು
-ಬಳ್ಳಾ

ನನ್ನ ನಿನ್ನ ಜೀವನ ಪುಟದಲ್ಲಿ ಲೆಕ್ಕಾನೇ ಇಲ್ಲದಷ್ಟು ನೆನಪು ಇದೆ.
ಜೀವನದ ಪ್ರತಿ ತಿರುವಲ್ಲೂ,ನಿನ್ನ ನೆನಪೇ ಕೇಕೆ ಹಾಕಿ ನಗ್ತಾ ಇದೆ.
ನೋವಿನ ಪ್ರತಿ ಹೆಜ್ಜೆಲೂ, ನೀಡಿದ್ದ ಸಾಂತ್ವನ ತಲೇಲಿ ಗಿರ್ಕಿ ಹೊಡೀತಿದೆ.
ತಂಗಾಳಿ ಬೀಸಿದಾಗೆಲ್ಲ...ನೀ ಸೋಕಿದ್ದ ನೆನಪಾಗಿ,ಮನ ಮುದುಡಿ ಹೋಗಿದೆ.
ಹಗಲು ಎನ್ನದೆ,ಇರುಳು ಎನ್ನದೆ..ಬರೀ ನಿನ್ನ ನೆನಪು ಬರಿಸಿ,ಗಡಿಯಾರ ನಾಚಿಸಿದೆ.

ಕರಗಿ ಹೋಗುವ ಮುನ್ನ, ಕಲೆತುಬಿಡು.
ಮುದುಡಿ ಹೋಗುವ ಮುನ್ನ,ಮೆರೆದುಬಿಡು.
ಮುಳುಗಿ ಹೋಗುವ ಮುನ್ನ,ನೆನೆದುಬಿಡು.
ಕಣ್ಣೇರು ಬತ್ತಿ ಹೋಗುವ ಮುನ್ನ,ಅತ್ತುಬಿಡು.
ಆಸಕ್ತಿ ಹೋಗುವ ಮುನ್ನ,ನನ್ನ ಬಿಟ್ಟುಬಿಡು.
ನನ್ನಿಂದ ನೀ ಹಾರಿ ಹೋಗುವ ಮುನ್ನ,ನಿನ್ನ ನೆನಪ ಆರಿಸಿಬಿಡು.
-ಬಳ್ಳಾರಿ ರಾಘವೇಂದ್ರ.

ಬಣ್ಣದ ಕನಸು

ಬಣ್ಣದ ಕನಸುಗಳಲ್ಲಿ ನಿನ್ನನು ಹುಡುಕುತಾ
ಕುಣಿದಿದೆ ಮನಸು ತಕದಿಮಿತಾ...
ಸಾರುತ ಹೊರಟಿದೆ ನಮ್ಮ ಪ್ರೇಮದ ತುಡಿತ
ಕಣ್ಣ ಕಟ್ಟಿ ಕಲಿಸುತಿದೆ....ಪ್ರೇಮದ ಕಾಗುಣಿತ
ಈ ಪ್ರೀತಿ ಶಾಶ್ವತ.?????
-ಬಳ್ಳಾರಿ ರಾಘವೇಂದ್ರ

ಆದ್ರೆ..... ನೀ ಜೊತೆಗಿಲ್ಲ ಇಂದು..!

ನಿನ್ನ ಮನಸ ಮೂಲೆಯಲ್ಲಿ ಇನ್ನೂ ನಾನು ಇರಬಹುದಾ.?
ಕಣ್ಣ ಒಳನೋಟದಲ್ಲೂ ಸಹ ಇನ್ನೂ ನಾನು ಇರಬಹುದಾ..?
ಆಗಾಗ ಬೀಳೊ ಕನಸಲ್ಲೂ ನಾನು ಇರಬಹುದಾ.?.
ಓರೆ ನೋಟ ಬೀರೋ ಕಣ್ಣಿಗೂ ಸಹ ನಾ,ಕಾಣಿಸಬಹುದಾ.?
ನಿನ್ನ ಅಂತರಾಳದ ಒಳಗೆ ಎಲ್ಲೋ ಒಂದು ಕಡೆ ನಾ ಇರಬಹುದಾ?
ಹೋಗ್ಲಿ...ಕೊನೆಗೆ, ನಿನ್ನ ಗುಂಡಿಗೆಯ ಮಿಡಿತಕ್ಕಾದರೂ..ನನ್ನ ನೆನಪು ಇರಬಹುದಾ.?
ಇವೆಲ್ಲಾ ಪ್ರಶ್ನೆಗಳಿಗೆ ನಿನ್ನುತ್ತರ ಇಲ್ಲ ಅನ್ನುವುದಾದರೆ.???ಹುಸಿ ನುಡಿಯಬೇಡ,ಗೆಳತಿ...!
ನಾವು ಒಟ್ಟಾಗಿ ಸುತ್ತಾಡಿ,ಪ್ರೀತಿಸಿದ್ದಕ್ಕೆ,ನಿಮ್ಮನೆ ಬೀದಿ ನಾಯಿ,ಮೇಲ್ಮನೆ ಪಾರ್ಕಿನ ಬೆಂಚು,
ಅಲ್ಲಿನ ಗಿಡ,ಮರ,ಅವುಗಳ ನೆರಳು.ಸುಯ್ಯನೆ ಬೀಸುತ್ತಿದ್ದ ತಂಗಾಳಿ,ಭೋರ್ಗರೆದು ಸುರಿಯುತ್ತಿದ್ದ ಮಳೆ,
ಪಾನಿ ಪೂರಿ ಹುಡ್ಗ.ಐಸ್ ಕ್ರೀಮ್ ಪಾರ್ಲರ್,ಇವರೆಲ್ಲರೂ ಸಾಕ್ಷಿ ಇದ್ದಾರೆ...!!!!
ಇವತ್ತು ಅವ್ರೆಲ್ಲರೂ ಇದ್ದಾರೆ...ಸುರಿಯುವ ಮಳೆಯೂ..ಬಂದಿದೆ..ಆದ್ರೆ ನೀ ಜೊತೆಗಿಲ್ಲ ಇಂದು..!!!
ನಿರೀಕ್ಷೆಯಲ್ಲಿ
ನಿನ್ನವನೆಂದಿಗೂ.!!!!

ಮೂಡಣ ಸೂರ್ಯ

ಮೂಡುವ ಸೂರ್ಯನಿಗೆ ಜಗತ್ತನ್ನು ನೋಡುವ ತವಕ,
ತನ್ನ ನೋಡಲು ಕಾಯುವವರಿಗೆ ಮಾಡುವನು ಕಿರಣಗಳ ಎರಕ,
ಇವನೆಂದರೆ ಸಾಕು, ಎಲ್ಲರೂ ಸುರಿಸುವರು ಪ್ರೇಮದ ಪುಳಕ,
ಅವನು ಮುನಿದರೆ,ಹರಿಯುವುದು ಜಗದ್ ತುಂಬಾ ಶಾಖ ಶಾಖ,
ನಡುಗುವ ಚಳಿಯಲಿ,ಮಾಡುವುದು ಜಗ ಇವನ ಜಪ ತಪ,
ಮೋಡಗಳ ಮರೆಯಲ್ಲಿನ ಕಣ್ಣ ಮುಚ್ಚಾಲೆ ಅವನದು,
ಬೇಸಿಗೆಯಲ್ಲಿ ನಿಂದಿಸುವರ,ಪ್ರೀತಿಸುವರ ಪಕ್ಷಪಾತವಿಲ್ಲದ ಪ್ರೀತಿ ಅವನದು,
ಕಾಡುವುದು ಅವನ ನೆನಪು,ಅವನಿಲ್ಲದ ಹೊತ್ತು.
ಪ್ರತಿ ದಿನವೂ ಬರುವನು,ಹೋಗುವನು ಉಲ್ಲಾಸದಿಂದ,
ಜಗವೆಲ್ಲ ನಮಿಸುವುದು,ಬೀಳ್ಕೊಡುವುದು ಉತ್ಸಾಹದಿಂದ...!!!!!

ಮುನ್ನವೇ...!

ಹತ್ತಿರವಾದೆ ನೀ ಪರಿಚಯದ ಮುನ್ನವೇ,
ಸೇರಿಹೋದೆ ನೀ ನನ್ನಲಿ ನಾ ನೋಡುವ ಮುನ್ನವೇ,
ಕರಗಿ ಹೋದೆ, ನಿನ್ನ ಪ್ರೀತಿಗೆ... ನೀ ನೀಡುವ ಮುನ್ನವೇ,
ಬೇಗ ಬಂದು ಸೇರು ನೀ ನನ್ನನು,ನಾ ಕಳೆದುಹೋಗುವ ಮುನ್ನವೇ...!!
-ನಿನ್ನವ